“ಆರಂಭಾವಸ್ಥೆಗೊಂದು ಯೋಗ ಪಥ” ಪುಸ್ತಕದ ಒಳನೋಟ

ಯೋಗವನ್ನು ಈಗಾಗಲೇ ಅಭ್ಯಾಸ ಮಾಡುತ್ತಿರುವವರು, ಇನ್ನೂ ಶುರು ಮಾಡಬೇಕು ಎಂದುಕೊಂಡಿರುವವರು, ಅಭ್ಯಾಸಕ್ಕೆ ಇಚ್ಛೆಯಿದೆ ಆದರೆ ವಯಸ್ಸು, ಅನಾರೋಗ್ಯದ ಭಯ ಇರುವವರು ಸಹ ಈ ಪುಸ್ತಕವನ್ನು ಓದಿ ಯೋಗದ ಅಭ್ಯಾಸವನ್ನು ಆರಂಭಿಸಲು ಯಾವುದೇ ಭಯ ಮತ್ತು ಅಡ್ಡಿಯಿಲ್ಲ. ಜಗದ್ವಿಖ್ಯಾತ ಯೋಗಗುರುಗಳಾದ ಪದ್ಮ ವಿಭೂಷಣ ಶ್ರೀ ಬಿ.ಕೆ.ಎಸ್‌ ಅಯ್ಯಂಗಾರ್‌ ಅವರ ಗರಡಿಯಲ್ಲಿ ಅಭ್ಯಾಸಮಾಡಿ, ಶಿಕ್ಷಕರಾದ ಶ್ರೀ ವಿರೂಪಾಕ್ಷ ಡಾಣಿಯವರು ಅವರ ಯೋಗಕೇಂದ್ರದ ದಶಮಾನತ್ಸವದ ಸಂದಂರ್ಭಕ್ಕೆ ಹೊರ ತಂದ ಈ ಪುಸ್ತಕವು ಸುಮಾರು 300 ಕ್ಕೂ ಹೆಚ್ಚು ಆಸನಗಳ ಚಿತ್ರಗಳನ್ನು ಒಳಗೊಂಡಿದ್ದು, ಅವುಗಳಿಗೆ ಸರಿಯಾದ ವಿವರಣೆ, ಮತ್ತು ಅನುಸರಿಸಬೇಕಾದ ವಿಧಾನ ಹಾಗೂ ಅವುಗಳ ಪರಿಣಾಮವನ್ನು ವಿವರಿಸಿದ್ದಾರೆ.

ಪುಸ್ತಕದಲ್ಲಿನ ವಿಶೇಷತೆಗಳು:

• ಸರಳವಾದ ಕನ್ನಡದಲ್ಲಿ ನಿತ್ಯವೂ ಮಾತನಾಡುವ ಸಹಜ ಬಾಷೆಯಲ್ಲಿದೆ.

• ಯೋಗ ಎಂದರೇನು? ಯೋಗದ ಹಂತಗಳಾದ ಯಮ, ನಿಯಮ, ಆಸನ, ಪ್ರಾಣಾಯಾಮ, ಪ್ರತ್ಯಾಹಾರ, ಧಾರಣ, ಧ್ಯಾನ ಮತ್ತು ಸಮಾಧಿ. ಇವುಗಳ ಸರಳವಾದ ವಿವರೆಣೆಯಿದ್ದು, ಅವುಗಳನ್ನು ಅಭ್ಯಾಸಕರು ಸಾಧನೆಯಲ್ಲಿ ಅಳವಡಿಸಿಕೊಳ್ಳುವ ಬಗೆಯನ್ನು ವಿವರಿಸಿದ್ದಾರೆ.
  

•  ಆಸನಗಳನ್ನು ಮಾಡುವ ಮುನ್ನ ಮತ್ತು ಅಭ್ಯಾಸಿಸುವಾಗ ಗಮನಿಸಬೇಕಾದ ಸಂಗತಿಗಳನ್ನು ತಿಳಿಸಿದ್ದಾರೆ.
  

• ಆರೋಗ್ಯದ ದೃಷ್ಟಿಯಿಂದ ಅಭ್ಯಾಸದ ಬಗೆಯನ್ನು ತಿಳಿಸಿದ್ದಾರೆ. ಅಲ್ಲದೇ ಮಹಿಳೆಯರು ಋತುಸ್ರಾವ, ಗರ್ಭಿಣಿ ಮತ್ತು ಮುಟ್ಟು ನಿಲ್ಲುವ ಕಾಲದಲ್ಲಿನ ಅಭ್ಯಾಸದ ವಿಧಾನವನ್ನು ತಿಳಿಸಿದೆ.
  

• ಪ್ರತಿಯೊಬ್ಬರ ಶರೀರದ ಗುಣಧರ್ಮ ಬೇರೆಯಾಗಿರುತ್ತದೆ. ಅದನ್ನು ಅನುಸರಿಸಿ ಅಭ್ಯಾಸಕ್ಕೆ ಹೆಚ್ಚು ಹೊತ್ತು ನೀಡಿದೆ.
  

• 300 ಕ್ಕೂ ಹೆಚ್ಚು ಆಸನಗಳ ಬಣ್ಣದ ಚಿತ್ರಗಳಿದ್ದೂ ಪ್ರತಿಯೊಂದು ಆಸನದ ಸ್ಥಿತಿಯ ಆರಂಭ ಮತ್ತು ಪೂರ್ಣಸ್ಥಿತಿ ಅಲ್ಲದೇ ಪರಿಕರಗಳ ಸಹಾಯದೊಂದಿಗಿನ ಆಸನಗಳ ಚಿತ್ರವಿದ್ದು ಸುಲಭವಾಗಿ ಗಮನಿಸಿ ಅಭ್ಯಾಸಿಸಬಹುದು.
  

• ಅಯ್ಯಂಗಾರ್‌ ಯೋಗದ ವಿಶೇಷತೆಯೆಂದರೆ ಆಸನಗಳ ಮಾಡುವ ವಿಧಾನ, ಕ್ರಮ ಹಾಗೂ ಸಮಯ ಮತ್ತು ಪರಿಕರಗಳನ್ನು ಬಳಸಿ ಸುಲಭವಾಗಿ ಮಾಡುವುದಾಗಿದೆ. ಎಲ್ಲಾ ವಯೋಮಾನದರಿಗೂ ಸರಿ ಹೊಂದುವಂತೆ ಹಂತ ಹಂತದ ಅಭ್ಯಾಸದ ವಿಧಾನವನ್ನು ಚಿತ್ರಗಳ ಸಮೇತ ತೋರಿಸಿದೆ.
  

• ಆಸನಗಳಿಗೆ ಸರಿಯಾದ ಅಭ್ಯಾಸದ ವಿಧಾನ ಮತ್ತು ಕ್ರಮಗಳನ್ನು ಹಂತ ಹಂತವಾಗಿ ಸಾಧಕನು ಆಸನದ ಪೂರ್ಣಸ್ಥಿತಿಯನ್ನು ಗಳಿಸುವುದು ಹೇಗೆ ಎನ್ನುವುದನ್ನು ವಿವರಿಸಿದೆ.
  

• ಆರೋಗ್ಯ ಮತ್ತು ಶರೀರದ ಗುಣದ ಆಧಾರದ ಮೇಲೆ ಅಭ್ಯಾಸಿಗಳು ತೆಗೆದುಕೊಳ್ಳಬೇಕಾದ ಎಚ್ಚರಿಕೆ ಮತ್ತು ಜಾಗರೂಕ ಸೂಚನೆಗಳನ್ನು ಸಹ ವಿವರಿಸಿದೆ.

• ಆಸನಗಳ ಅಭ್ಯಾಸಕ್ಕೆ ಆಸನಗಳ ಅಭ್ಯಾಸಕ್ರಮ(Sequence)ಪಟ್ಟಿಯನ್ನು ಸಹ ಒಳಗೊಂಡಿರುವುದು ವಿಶೇಷದ ಸಂಗತಿ. ಇದು ಆಸನಗಳ ಅಭ್ಯಾಸಕ್ಕೆ  ಸುಲಭವಾಗುತ್ತದೆ.

ಈ ಪುಸ್ತಕವು ಯೋಗಭ್ಯಾಸಿಗಳಿಗೆ ಉತ್ತಮ ಕೈಪಿಡಿಯಾಗಿದೆ. ಯೋಗದ ಅಭ್ಯಾಸದಿಂದ ಶಾರೀರಿಕ ಮತ್ತು ಮಾನಸಿಕ ಆರೋಗ್ಯವನ್ನು ಪಡೆದು ವ್ಯಕ್ತಿಯ ಸರ್ವತೋಮುಖ ಬೆಳವಣಿಗೆಗೆ ಸಹಾಯ ಮಾಡುವುದಲ್ಲದೇ ಆರೋಗ್ಯಯುತ ಸಮಾಜದ ನಿರ್ಮಾಣಕ್ಕೆ ಸಹಾಯವಾಗುತ್ತದೆ. ಈ ಪುಸ್ತಕವನ್ನು ಓದಿ, ಓದಿಸಿ, ಯೋಗಾಸಕ್ತರಿಗೂ ತಿಳಿಸಿ ಅದರ ಉಪಯೋಗವನ್ನು ಎಲ್ಲರೂ ಪಡೆಯುವಂತಾದರೆ ಯೋಗಕೇಂದ್ರದ ಶ್ರಮವು ಸಾರ್ಥಕವೆನಿಸುವುದು.

ಧನ್ಯವಾದಗಳು.

ಪುಸ್ತಕಗಳಿಗಾಗಿ ಸಂಪರ್ಕಿಸಿ: 9535559752

ಅಮೆಜಾನ್‌ನಲ್ಲೂ ಸಹ ಖರೀಧಿಸಬಹುದು: https://amzn.in/d/f5hdQZ7

ಯೋಗಶ್ರೀ ಅಯ್ಯಂಗಾರ್‌ ಯೋಗ ಕೇಂದ್ರ

3ನೇ ಅಡ್ಡರಸ್ತೆ, ಗಾಂಧಿನಗರ

, ಬಳ್ಳಾರಿ.